Мәжіліс депутаты жұмысшы жастардың баспана мәселесін тағы көтерді

15 мамыр 2024, 12:43 Авторға хат жазу قازاقشا Qaz

Дәулет Мұқаевтың айтуынша, жастардың жалдамалы пәтерде тұру мерзімін ұзарту керек.

Мәжіліс депутаты Дәулет Мұқаев Үкімет басшысының орынбасары Қанат Алдабергеновке депутаттық сауал жолдап, жұмысшы жастардың баспана мәселесін көтерді.

Оның айтуынша, 2019 жылдан бері Астана, Алматы, Шымкент қалаларында жалдамалы пәтерге орныққан жастардың саны 10 мыңға жуықтаған.

"2019 жылы баспана алған жастардың баспананы босатуына да аз уақыт қалды. Бүгінде мегаполистердегі жастардың далада қалу қаупі жоғары. Тағы бір қосарым, өткен жылы берілу керек пәтерлер Алматы қаласының жастарына әлі дер берілмеді. Нақты тізім, нәтиже шықпады", – деді Дәулет Мұқаев.

Оқи отырыңыз: Дәулет Мұқаев "Жас отбасы" ипотекасының бастапқы жарнасын 10 пайыздан асырмауды сұрады

Ол, сондай-ақ жастардың тиімді баспана алуына жағдай жасау керектігіне тоқталды.

"Кемі 10 пайыздық бастапқы жарнамен өздері тұрып жатқан баспанасын сатып алуға мүмкіндік беру мәселелесін қарастыруды қайта сұраймын. Сонымен қатар, пайыздық мөлшерлемесі де 5%-дан аспауы тиіс. Немесе жалдамалы пәтерде тұру мерзімін ұзарту керек", – деді депутат.