"Мемлекет қолдау көрсететініне кепілдік беремін". Тоқаев кәсіпкерлерге үндеу жасады

Қазақстан президенті Қасым-Жомарт Тоқаев парламент палаталарының бірлескен отырысында кәсіпкерлерге үндеу жасады.

"Елді жайлаған індет және оның салдары кәсіпкерлерге оңай тимегені анық. Былтырдан бері саяси жүйені жаңғыртуға баса мән бердік. Енді экономикадағы нақты мәселелермен айналысатын кез келді. Бұл жұмысты мықтап қолға алу керек. Біздің басты міндетіміздің бірі – жеке меншікті қорғау және нарықтың бәсекелі болуын қамтамасыз ету. Сол үшін сот және құқық қорғау жүйесіндегі реформаларды жалғастыру қажет", – деді Қасым-Жомарт Тоқаев.

Оқи отырыңыз: 

• Президент "Қазақстанның халық әртісі" атағын қайтаратынын айтты
• Тоқаев: Ғылымды жан-жақты дамыту үшін жаңа заң қабылдау керек
• Мемлекет басшысы: Алдағы бес жыл ел тағдыры шешілетін маңызды кезең болмақ

Мемлекет басшысы елдегі кәсіпкерлерге үндеу жасады.

"Қазақстан – бәріміздің ортақ мекеніміз. Ендеше, қастерлі Отанымызды бірге өркендетейік, болашағымызды бірге құрайық. Мен Президент ретінде сіздерге мемлекет тарапынан қолдау көрсетілетініне кепілдік беремін. Біз шағын және орта бизнестің бәсекеге қабілетін арттыру мәселесіне баса мән береміз. Осы орайда, шағын және орта бизнеске қолдау көрсетудің бірыңғай кешенді бағдарламасын әзірлеу қажет", – деді Қазақстан президенті парламент палаталарының бірлескен отырысында.