Мусин: Президентті жеті жылға бір мерзіммен сайлау тәртібін қайта өзгертуге болмайды

16 қыркүйек 2022, 11:50 Әсел Сарқыт Авторға хат жазу قازاقشا Qaz

Ал астана атауын өзгертуге мүмкіндік беріледі.

2022 жылы күзде сайланатын президент өз мандатын, мерзімін, сайлану мүмкіндігінің санын өзгерте алмайды. Бұл туралы Әділет министрі Қанат Мусин парламент кулуарында айтты.

"Бүгін Конституцияға енгізілген норма бойынша, президент жеті жылға бір рет сайлана алатынын туралы норма өзгертуге жатпайды. Яғни, келесі президент те, келесі парламент те бұл норманы өзгерте алмайды. Оны өзгертуге Конституциялық сот мүмкіндік бермейді", – деді министр.

Сонымен қатар министр астана атауын ауыстыру туралы норма өзгертуге жататын айтты.

Айта кетейік, бүгін парламент президентті бір мерзімге сайлайтын жүйені және астана атауын өзгерту туралы заң жобасын жақтап дауыс берді.