Наурыз ҰБТ: Үміткерлердің 30 пайызы шекті балл жинай алмады

Ұлттық тестілеу орталығы наурыз айындағы ҰБТ-ның аралық қорытындысын ұсынды. Оған сәйкес, үміткерлердің 30 пайызы шекті балл жинай алмаған. 

Наурыз айындағы ҰБТ басталғалы бері 59 мыңнан астам адам тест тапсырды.

Оның ішінде: 

• талапкерлердің 69,26%-ы шекті балл жинады;
• орташа балл – 65,08 балл;
• ең жоғары балл – 137 балл;
• ерекше білім беру қажеттілігі бар 148 талапкер қатысты.

Оқи отырыңыз: Наурыз ҰБТ: 20 үміткер ереже бұзып, тест нәтижелері жойылды

Ереже бұзғаны үшін 81 адамның нәтижелері жойылған. Олардың ішінде:

• смартфон, шпаргалка және басқа да тыйым салынған заттарды алып өту әрекеті салдарынан 50 талапкер тест тапсыру мүмкіндігінен айырылған; 
• тестілеу кезінде ережелерді бұзғаны үшін аудиториядан 31 адам шығарылған;
• бөгде тұлғалар анықталған жоқ.

Қатысушылардың басым бөлігі, яғни 17,38 пайызы "Математика-Физика" және 15,91 пайызы "Биология-Химия" пәндер комбинациясын таңдаған. 

Еске салайық, наурыз айындағы ҰБТ 30 наурызға дейін өтеді.