Назарбаев зияткерлік мектебінде оқу грантының құны азаяды

Қазақстанда Назарбаев зияткерлік мектептерінде білім алуға мүмкіндік беретін "Өркен" грантының сомасы азаяды. Бұл туралы Ашық НҚА порталындағы құжат жобасынан белгілі болды. Атап айтқанда, грант құны: 

• студент жатақханада тұратын болса – 3 053 940 (өткен жылы 3 247 305) теңгені;
• ал студент жатақханада тұрмайтын болса – 2 190 080 (өткен жылы 2 349 191) теңгені құрайды. 

Бұл өзгеріс әлі талқылауда болғанымен, ол қабылданған жағдайда 2025 жылғы 1 қаңтардан бастап қолданылады. 

"Өркен" грантының мәні жыл сайын индекстеледі. Грант құны 2023 жылдың басында шамамен 30 мың теңгеге өссе, 2024 жылы бірден шамамен 200 мың теңгеге артты. 

Еске салайық, 2023-2025 жылдарға арналған республикалық бюджетке сәйкес, 2023-2025 жылдары НЗМ мектептеріне арналған оқу гранттарын тағайындауға 100 млрд теңге шамасында қаражат республикалық бюджеттен бөлінеді. Оның ішінде: 

2025 жылы – 33 604 084 мың теңге.

Оқи отырыңыз: Назарбаев зияткерлік мектебінде оқу грантының құны шамамен 200 мың теңгеге өсті