Нұрсұлтан Назарбаев жүрегіне ота жасатты

20 қаңтар 2023, 12:47 Авторға хат жазу قازاقشا Qaz

Тұңғыш президенттің өміріне қауіп төніп тұрған жоқ.

Қазақстанның тұңғыш президенті Нұрсұлтан Назарбаев жүрегіне ота жасатты. Бұл туралы тұңғыш президенттің баспасөз хатшысы Айдос Үкібай хабарлады.

"Нұрсұлтан Назарбаевтың жүрегіне ота жасалды. Операция сәтті аяқталды. Тұңғыш президенттің өміріне қауіп төніп тұрған жоқ. Қазір ол бақылауда. Операция Ұлттық ғылыми кардиохирургия орталығында атақты кардиохирург Юрий Пяның жетекшілігімен өтті", – деп жазды Айдос Үкібай.

Бұған дейін экс-президенттің ауруханаға жатқызылғаны жөнінде "Хабар 24" телеарнасының бұрынғы директоры Александр Аксютиц мәлімдеген еді.

Оқи отырыңыз: