Өңірлік кадр резервіне іріктеу мерзімдері өзгерді

10 сәуір 2024, 11:45 Авторға хат жазу قازاقشا Qaz

Заңнаманы білуге тестілеу 14, 21 және 28 сәуірде өтеді.

Бірқатар өңірде табиғи сипаттағы төтенше жағдай режимінің жариялануына және қатысушылар үшін туындайтын қиындықтарға байланысты Өңірлік кадр резервіне іріктеудің келесі кезеңдерін өткізу мерзімдері өзгертілді. Бұл туралы Өңірлік кадр резерві сайтында жазылған.

Жаңа кестеге сәйкес, заңнаманы білуге тестілеуді 14, 21 және 28 сәуірде, құзыреттерді бағалауды - 5 мамырда өткізеді. Құрылымдық сұхбат 12 шілдеге, ал аймақтық кадрлар комиссиясының отырысы 16 шілдеге ауыстырылды.

Еске салайық, кадрлардың резервте болу мерзімі – 2 жыл. Осы кезеңде резервшілер сайланатын лауазымдарды қоспағанда, жергілікті атқарушы органдарда "Б" корпусының мемлекеттік әкімшілік лауазымдарына заңнама бойынша тағайындалуы мүмкін.

Оқи отырыңыз: Өңірлік кадр резервіне өтініш қабылдау басталды. Оған кімдер қатыса алады