Орал әуежайы Мәншүк Мәметованың есімін иеленді

28 наурыз 2022, 10:50 Авторға хат жазу قازاقشا Qaz

Мұндай бастаманы қоғам белсенділері мен депутаттары 2021 жылы көтерген болатын.

Орал халықаралық әуежайына Кеңес Одағының Батыры Мәншүк Мәметованың есімі берілді. Қаулыға ҚР премьер-министрі Әлихан Смайылов қол қойды.

Мәншүк Мәметова 1922 жылы Орал облысы (бүгінде – Батыс Қазақстан облысы) Бөкей ордасы ауданында дүниеге келген. Ол 1942 жылы тамызда Қызыл әскер қатарына алынып, 21-атқыштар дивизиясы құрамында соғысқа қатысты. Аға сержант, пулеметші болған Мәншүк Мәметова Невель қаласы үшін болған кескілескен шешуші ұрыста қаһармандықпен қаза тапқан.

Оған 1944 жылы Кеңес Одағының Батыры атағы берілді.

Оқи отырыңыз: Жөндеуден өткен "Қызылжар" халықаралық әуежайы неге қаңырап бос тұр?