Өзбекстан Қазақстанмен екі арадағы кеден бекетін кеңейтуді жоспарлап отыр

Өзбекстан Қазақстанмен байланыстыратын "Ғишткуприк" шекара бекетін (қазақстандық атауы "Жібек жолы") кеңейтеді. Бұл үшін мемлекеттік резервтегі пайдаланылмай жатқан 1,81 гектар ауыл шаруашылығы жері қосымша ғимараттар мен құрылыстарды салу үшін бөлінген. Бұл туралы Ташкент облысы әкімінің қаулысынан белгілі болды, деп хабарлады UzA агенттігі. 

Еске салайық, кеден бекетінің қазақстандық бөлігін де дамыту жұмыстары қарқынды жүріп жатыр. Атап айтқанда, Түркістан облысына қарайтын Сарыағаш ауданының тұрғындары мен қонақтарына қолайлы жағдай жасалмақ. Бұл ретте ретсіз сауданы жою, ақша айырбастау орындарын, қонақ үй және туристтерге бағыт-бардар беретін пунктер қызмет көрсету орындарын ұйымдастыруды көздейтін ірі сауда орталығы бой көтеріп жатыр. 

Қазіргі уақытта аысанның іргетасы қаланып, ғимараттың шатыры жабылған,сонымен қатар терезелері де орналастырылған.

Оқи отырыңыз: Түркі мемлекеттеріне ортақ оңайлатылған кеден дәлізі құрылады