Павлодар облысында 2,1 млрд теңгенің жер телімі мемлекетке қайтарылды

Тереңкөл ауданының прокуратурасы «Вильгельм» ШҚ 20 жыл мерзімге 1 552 га жайылымды негізсіз беру фактісін анықтады. Бұл туралы Павлодар облысының прокуратурасы хабарлады.

Аудан прокуратурасының қадағалау актісі бойынша жер ресурстарын басқару департаменті жерді жалдау шартын жарамсыз деп тану туралы талап арыз берді. Облыстың МАЭС шешімімен Департаменттің талап қоюдан бас тартылды.

«Бұл ретте сот учаскені беру мүмкін емес екенін назарға алған жоқ, өйткені ол елді мекеннің жерлеріне жатады және жергілікті халықтың малын жаюға арналған», – деп жазылған хабарламада.

Оқи отырыңыз: "Жалған қол қойып, атымыздан несие алды". Солтүстікте ауыл азаматтары жер телімін серіктестіктен ала алмай отыр

Павлодар облысы прокуратурасының апелляциялық өтінішхаты бойынша сот шешімі өзгертілді, талап қанағаттандырылды. Құны 2,1 млрд теңге болатын жер мемлекетке қайтарылды.