Петропавл – Қызылжар, Павлодар – Ертіс не Кереку. Перуашев қалалардың тарихи атауын қайтаруды ұсынды

5 сәуір 2023, 14:00 Авторға хат жазу قازاقشا Qaz

Депутаттың айтуынша, бұл мәселеге қатысты соңғы шешімді Парламент емес, президент қабылдайды.

Петропавл мен Павлодар қалаларының тарихи атауын қайтару керек, деп мәлімдеді "Ақ жол" партиясының депутаты Азат Перуашев мәжіліс кулуарында.

"Бұл қалалар ақ патшаның кезінде салынған деп айтып жатқанымен, бұл жер қазақтыкі. Ол жерлер босқа жатқан жоқ. Бабаларымыздың білек күшімен, найзаның ұшымен жеткен. Сол үшін осы қалаларға тарихи атауын қайтару керек деп санаймын", – деді депутат.

Азат Перуашев Петропавлды – Қызылжар, Павлодарды Ертіс немесе Кереку деп атауды ұсынды. Алайда бұл мәселеге қатысты соңғы шешімді Парламент емес, президент қабылдайтынын ескертті.

Оқи отырыңыз: Ақжайық, Алтай, Қызылжар, Баянауыл. Ұлытау әкімі бірқатар облыс атауын өзгертуді ұсынды

Журналистер депутаттан "Ресей мен Украина арасындағы жағдайға байланысты қала атын ауыстыру істеу қауіпті емес пе?" деп сұрады.