Петропавлда үй өртеніп, балалар қаза тапты

26 қыркүйек 2023, 10:27 Авторға хат жазу قازاقشا Qaz

Өрт сөндірушілер келгенше үй жанып кеткен.

25 қыркүйек күні кешке Петропавлда Волочаевская 113 мекенжайындағы жеке тұрғын үй өртеніп, бір жасар сәби, бес жасар бала және 20 жастағы әйел қаза тапты. Бұл туралы Солтүстік Қазақстан облысының Төтенше жағдайлар департаментінің баспасөз қызметі хабарлады.

Оқиға орнына өрт сөндірушілер қоңырау түскен соң бес минуттан соң жеткен. Олар келгенше үй жанып кеткен. Оқиға орнынан үш адамның мәйіті табылды.

Өрттің шығу себебі анықталуда. Әкімдік отбасына көмек көрсетеді. Қаза болғандардың туыстары мен жақындарымен Солтүстік Қазақстан облысы Төтенше жағдайлар департаментінің психологиялық қызметінің қызметкері жұмыс істеуде.

Оқи отырыңыз: Үй өртенді: Қостанай тұрғыны қала әкімінен 14 миллионға жуық теңге өндіріп алды.