Қайрат Нұртас 74 мың теңге айыппұл төлейді. Не үшін

29 сәуір 2024, 21:17 Авторға хат жазу قازاقشا Qaz

Оның кезекті концерті кезінде айтқан бейәдеп сөзі әлеуметтік желіде тарап кетті.

Қазақстандық танымал әнші Қайрат Нұртасқа концерт барысында бейәдеп сөз айтқаны үшін айыппұл салынды, деп хабарлады Polisia.kz.

Ол 73 840 теңге айыппұл төлейді.

Концерт видеосы бірнеше күн бұрын әлеуметтік желі арқылы тарап, желі қолданушыларының түрлі реакциясын тудырған болатын.

"Қоғамдық орында балағат сөз айтып, видеоға түсіп қалған әнші жауапқа тартылды. Ұсақ бұзақылық үшін оған 20 АЕК көлемінде айыппұл салынды", – делінген Polisia.kz хабарламасында.