Қанат Бозымбаев премьер-министрдің орынбасары болып тағайындалды

31 наурыз 2024, 09:44 Авторға хат жазу قازاقشا Qaz

2023 жылғы қыркүйектен бері ол президент кеңесшісі қызметін атқарған.

Мемлекет басшысының жарлығына сәйкес, Қанат Бозымбаев премьер-министрдің орынбасары болып тағайындалды.

Құжат Ақорда сайтында жарияланды.

"Қанат Алдабергенұлы Бозымбаев Қазақстан Республикасы Премьер-Министрінің орынбасары болып тағайындалсын, ол бұрынғы атқарған лауазымынан босатылсын", – делінген жарлықта.

2023 жылғы қыркүйектен бері Қанат Бозымбаев президент кеңесшісі қызметін атқарған болса, 2021-2022 жылдары ол Алматы облысының әкімі болды.

Оқи отырыңыз: Қанат Бозымбаев Алматы облысының әкімі болып тағайындалды

Президенттің баспасөз хатшысы Берік Уәли Қанат Бозымбаев өңірлік саясат, тұрғын үй-коммуналдық шаруашылық, төтенше жағдайлар және су ресурстары мәселелеріне жетекшілік ететінін хабарлады.

"Мемлекет басшысының жарлығымен ҚР премьер-министрінің орынбасары болып тағайындалған Қанат Алдабергенұлы Бозымбаев өңірлік саясат, тұрғын үй-коммуналдық шаруашылық, төтенше жағдайлар және су ресурстары мәселелеріне жетекшілік ететін болады", – деп жазды ол.