"Қанша адамның өмірін сақтап қалды". Авиа-сарапшы ұшқыштарды кінәламауға шақырды

Авиа-сарапшы Абыл Кекілбаев апатқа ұшқыштарды кінәлаудың қажеті жоқ деп отыр, деп хабарлады 31 арнаның Информбюро ақпараттық бағдарламасы.

Себебі, әр ұшқыш жауапкершілігін толық сезініп, қауіп-қатерлерді ескере отырып шешім қабылдайды. Әрі қону айлағындағы ахуал мен ауа райының қолайлы-қолайсыздығын айтатын мамандар болады.

Сондықтан, бұл қайғылы жайттың мән-жайын жан-жақты зерделеп, тексеру жұмыстарының аяқталғанын күткен жөн дейді.

"Енді бәріміз қазір ұшқыштарды кінәлайтын болсақ, мен қазір ашық таратылып жатқан видеоларды қарайтын болсам, ұшқыштар ашық жерге ұшақты қондыруды тырысты, елді мекеннің үстінен ұшпай, шет жаққа шығып кетті осындай қону тәсілін пайдаланып отырғанның өзінде қанша адамдардың өмірін сақтап қалды. Бұл ұшқыштардың тәжірибелі екенінің көрсеткіші", – деді сарапшы Абыл Кекілбаев.