Қауіпті 13 учаске бар: ШҚО құтқарушылары тұрғындарға селге қатысты ескерту жасады

25 мамыр 2023, 14:00 Авторға хат жазу قازاقشا Qaz

Төтенше жағдай кезінде 112 нөмірі бойынша хабарласуға болады.

Шығыс Қазақстанда сел қаупі бар кезең басталды. Бұл туралы төтенше жағдайлар департаментінің баспасөз қызметі хабарлады.

"Сел қаупі бар 13 ошақ Риддер қаласында және Алтай, Катонқарағай, Зайсан аудандарында орналасқан. Осы аудандардағы таулардың басында он үш елді мекенге қауіп төндіретін 144 мұздақ көл қалыптасады. Сел, сырғыма жағдайына мониторинг жүргізу үшін гидропост жұмыс істейді" - делінген хабарламада.

Оқи отырыңыз: Қазақстанда биыл 300-ге жуық елді мекенді су басу қаупі бар

Департамент өкілдерінің айтуынша, қауіпсіздік мақсатында сел қаупі бар кезеңде тауларға барудан бас тарту керек. Төтенше жағдай кезінде 112 нөмірі бойынша хабарласуға болады.

"Төтенше жағдайлар департаменті "Қазселденқорғау" ММ-нің Шығыс Қазақстан аумақтық пайдалану басқармасы филиалымен бірлесіп, сел және сырғыма қаупі бар учаскелерде қауіпсіздікті қамтамасыз ету жөніндегі іс-шаралар жоспарын дайындады. Өзен арналары және сел, сырғыма қауіпті учаскелері бойынша жоспарлы жерүсті және аэровизуалды зерттеу кестесін әзірледі" – делінген хабарламада.

Оқи отырыңыз: Қазақстанда 255 елді мекенді су басу қаупі бар. Оларда 725 мыңнан астам адам тұрады