Қазақстан мешіттеріне Алаш қайраткерлерінің есімі беріледі

24 қаңтар 2025, 10:50 Авторға хат жазу قازاقشا Qaz

Қазақстанда бүгінде 2888 мешіт жұмыс істейді.

Қазақстан мешіттеріне батырлар, ғұламалар және Алаш қайраткерлерінің есімі беріледі. Бұл туралы Бас мүфти Наурызбай қажы Тағанұлы 2025 жылға арналған Бағдарлық баяндамасында мәлімдеді, деп хабарлады ҚМДБ баспасөз қызметі.

"Қазақстан мұсылмандары діни басқармасының құрылғанына 35 жыл толуына орай айтулы мерейтойдың мәнін арттыру мақсатында қазақ даласынан шыққан әулие, ғұлама, батыр, алаш қайраткерлері мен ахун-ишандардың есімін мешіттерге береміз", – деді ҚМДБ төрағасы.

Оқи отырыңыз:

Еске салайық, 2024 жылы Қазақстанда 82 жаңа мешіт ашылды. Республикадағы мешіттердің жалпы саны – 2888.

ҚМДБ мешіт істері бөлімінің меңгерушісі Марат Жаппасбаевтың мәліметінше, 2888 мешіттің 1-уі республикалық, 3-уі мегаполистік, 17-сі облыстық, 434-і қалалық, 162-сі аудандық және 2275-і ауылдық мешіт. Бүгінгі таңда тағы 257 мешіттің құрылысы жүріп жатыр.