Қазақстан мүгедек жолаушыларға арналған 35 вагон сатып алады

Қазақстан 2025-2029 жылдары Stadler компаниясынан 537 вагон сатып алуды жоспарлап отырса, олардың 35-і мүмкіндігі шектеулі жандарға бейімделеді. Бұл туралы "Қазақстан теміржолшысы" басылымы Индустрия және инфрақұрылымдық даму министрлігінің мәліметіне сүйеніп хабарлады.

2025-2029 жылдардың әрбірінде елге 6 арнайы вагоннан әкелінетін болса, 2030 жылы соңғы 5 вагон жеткізілуі тиіс. Мұндай вагондар көтергіш механизммен жабдықталады.

Басылымның дерегінше, қазіргі таңда Қазақстанда 37 бағыт бойынша қатынайтын пойыздарда мүмкіндігі шектеулі адамдарға арналған орындықтары бар 80 вагон бар. Оның ішінде "Тальго" пойыздарында – 20, стандартты пойыздарда – 60 вагон. Олардың 28-і көтеру механизмімен жабдықтаса, 52 вагонда мұндай құрылғы жоқ.

Оқи отырыңыз:

• Теміржол билетін қалай жеңілдікпен алуға болады?
• Қазақстан 537 Stadler жолаушылар вагонын сатып алуды жоспарлап отыр