"Қазақстан халқына" қоры білім беру гранты бойынша қосымша байқау өткізеді

"Қазақстан халқына" қоғамдық қоры Taiburyl ҚБ цифрлық платформасында мүгедек балаларды тәрбиелеп отырған отбасылардан шыққан студенттер үшін қосымша байқау жарияланатынын хабарлады.

Байқауға қатысушылар келесі талаптарға сәйкес келуі қажет:

• ҚР азаматы болу;
• "Қазақстан халқына" ҚҚ және Taiburyl ҚБ лауазымды тұлғаларымен және қызметкерлерімен, сондай-ақ комиссия мүшелерімен үлестес болмау;
• Бакалавриат бағдарламалары бойынша күндізгі бөлімде оқу және мүгедек балаларды тәрбиелеп отырған отбасы мүшесі болу.

Оқи отырыңыз: "Қазақстан халқына" қоры биыл 360 білім беру грантын бөледі. Оны кімдер иеленеді?

Байқауға қатысу үшін Taiburyl платформасында онлайн-өтінімге мынадай құжаттарды тіркеу қажет:

• Үміткердің жеке куәлігінің түрлі түсті көшірмесі;
• Үлгерімі туралы мәліметтерді қоса алғанда, оқу орнынан анықтама (транскрипт);
• ҰБТ сертификаты;
• Орта мектепті бітіру туралы куәліктің көшірмесі/колледж дипломы (үміткердің ауылдық жерде екенін растайды);
• Ата-ананың не заңды қамқоршының жеке куәлігінің түрлі-түсті көшірмесі;
• Үміткердің ата-анасының неке туралы куәлігінің көшірмесі;
• Үміткердің екі ата-анасының соңғы алты айдағы зейнетақы аударымдары туралы анықтамасы;
• Үміткердің туған (ата-анасы бір) бауырларының мүгедектігін растау туралы анықтама (тек eGov сайтынан анықтамалар қаралады);
• Үміткердің туу туралы куәлігінің көшірмесі;
• Үміткердің қандас бауырларының туу туралы куәлігінің көшірмесі;
• Мотивациялық хат (250 сөзден кем емес);
• Үміткердің өмірбаяны (кемінде 100 сөз).