Қазақстан халқының саны бір жылда 231 мың адамға өсті

6 қаңтар 2025, 17:47 Авторға хат жазу قازاقشا Qaz

Табиғи өсім 217 133 адамды, көші-қон 14 345 адамды құрады.

Қазақстан халқының саны 2024 жылғы желтоқсанда 20,2 миллион адамды құрады. Бұл туралы Ұлттық статистика бюросының баспасөз қызметі мәлімдеді.

Өткен жылдың 1 желтоқсанындағы жағдай бойынша Қазақстанда 20 265 320 адам тұрған. Бұл 2024 жылдың басымен салыстырғанда 231 478 адамға көп. Табиғи өсім 217 133 адамды, көші-қон 14 345 адамды құрады.

Қазақстанда миллионнан астам тұрғыны бар үш қала бар:

Алматы 2 286 328 адам;
Астана 1 520 756 адам;
Шымкент 1 253 280 адам.

Оқи отырыңыз: Балалар мен қарттардың үлесі – 42 пайыз. Қазақстанда еңбекке қабілетті халық саны азайып барады

Ең көп қоныстанған облыстар Түркістан облысы (2 154 304 адам), Алматы облысы (1 557 932 адам), Жамбыл облысы (1 222 411 адам) және Қарағанды облысы (1 134 002 адам).

Қазақстан азаматтарының жартысынан астамы қалаларда тұрады – 12 629 615 адам, ал 7,5 миллионнан астамы – ауыл тұрғындары.