Қазақстанда 27 миллион гектар жайылым жердің тозығы жеткен

28 қаңтар 2025, 10:21 Авторға хат жазу قازاقشا Qaz

Шамамен 30 млн гектар жер деградацияға ұшыраған.

Ауыл шаруашылығы министрлігі Жер ресурстарын басқару комитетінің төрағасы – Жерді пайдалану мен қорғау жөніндегі бас мемлекеттік инспекторы Мұрат Теміржанов жер деградациясы туралы айтты.

"Қазіргі таңда шамамен 30 миллион гектар жер деградацияға ұшыраған. Оның ішінде 5 миллион гектар – су эрозиясына, 25 миллион гектар – жел эрозиясына ұшыраған. Сонымен қатар елімізде 27 миллион гектар тапталған жайылым бар", – деді АШМ өкілі.

Оқи отырыңыз: Көкшетауда 70 миллион теңгеге заңсыз берілген жер телімі мемлекетке қайтарылды

Жер деградациясымен жүйелі күрес мәселелерін шешу мақсатында Жер ресурстарын басқару комитетінің жанынан "Жерлерге зерттеп қарау жұмыстарын жүргізу мемлекеттік институты" негізінде "бірыңғай топырақ кластері қызметі құрылған. Бұдан бөлек 205 миллион гектар аумаққа цифрлық ауыл шаруашылығы карталарын жасау аяқталған.