Қазақстанда отандық тауар өндірушілердің бірыңғай тізімі іске қосылады

Елімізде отандық тауар өндірушілердің бірыңғай тізімі іске қосылмақ, деп хабарлайды 31 арнаның Информбюро ақпараттық бағдарламасы.

Жаңа жүйеге енгізілген кәсіпорындар ғана мемлекеттік сатып алуға қатыса алады.

Мәжіліс депутаттары Қытай тауарларына "Қазақстанда жасалған" логотипін жапсырып, саудасын қыздыратын кәсіпкерлер күрт көбейгенін айтады. Олар тіпті жалған құжатпен тендерге қатысып, қаражат алады екен. Осы келеңсіздікке тосқауыл болу үшін халық қалаулылары бір ауыздан жаңа заң жобасын мақұлдады.

"Тауарлардың шығарылған елін айқындау мәселелері бойынша өзгерістер мен толықтырулар енгізу туралы" заң жобасын мәжіліс депутаттары бірінші оқылымда мақұлдады.