Қазақстанда қанша Қасым-Жомарт, Байден және Путин бар

7 наурыз 2024, 10:50 Авторға хат жазу قازاقشا Qaz

Биыл жыл басында Қазақстан халқының саны 20 млн болды, бұл бір жыл бұрынғыдан 1,3%-ға артық.

29 ақпандағы мәлімет бойынша елімізде Қазақстан есімді 24 адам тіркелген.

Оның ең көбі Ақмола облысында тұрады: 7 адам. Бұл туралы Ranking.kz жазды.

Астанада Қазақстан есімді тағы 5 адам, Қарағанды облысында 4 адам бар. Сонымен қатар, Қазақстан есімді 3 адам Қостанай облысында, 2 адам Маңғыстау облысында, 2 адам Шымкент қаласында, 1 адам Батыс Қазақстан облысында тұрады.

Қазақстандықтардың ішінде 24 Астана, 20 Алматы және 3 Шымкент есімді адам бар. Сонымен қатар, Қазақстанда Семей есімді 27, Атырау есімді 15, Түркістан есімді 15, Тараз есіді 14, Ақтау есімді 10, Ақтөбе есімді 1, Талдықорған есімді 1 адам бар.

Саяси қайраткерлердің атын қою да дәстүрге айналған. Елімізде 12 Қасым-Жомарт, 1 Путин, 1 Трамп және 8 Байден есімді адам тұрады.

Биылғы жылдың қаңтар айында Қазақстанда жиі қойылатын ең танымал есімдер Медина мен Әлихан болды. Елімізде 517 Медина, 313 Әлихан бар.

Оқи отырыңыз: Қазақстанның екі өңірінде ғана әйелдерге қарағанда ерлер көп. Ол – Қызылорда мен Түркістан облысы

Қыздардың есімі бойынша үздік бестікке Асылым (468 адам), Айша (436 адам), Айлин (387 адам) және Томирис (318 адам) кірді.

Ұл есімдерінің ішінде ең танымал бестікке Мұхаммед (305 адам), Айсұлтан (238 адам), Мұхаммад (231 адам) және Алдияр (219 адам) кірді.