Қазақстанда QR төлемдері POS-терминалдар арқылы төлеуге қарағанда танымал болды

18 сәуір 2024, 14:27 Авторға хат жазу قازاقشا Qaz

QR коды арқылы төлемдер қолма-қол ақшасыз төлемдер арасында танымалдығы бойынша екінші орында.

Қаңтар-ақпан айларында Қазақстанда қолма-қол ақшасыз төлемдер көлемі 21,1 трлн теңгені құрады. Бұл – өткен жылдың алғашқы екі айымен салыстырғанда 17%-ға артық, деп хабарлайды Ranking.kz.

Қолма-қол ақшасыз төлемдердің 79%-ы – 16,7 трлн теңге – интернет және онлайн-банкинг арқылы жүзеге асырылды. Танымалдық бойынша екінші орында QR коды бойынша (2,1 трлн теңге), үшінші орында – POS терминалдар арқылы төлемдер.

"QR кодтарын пайдаланатын төлемдер бірінші рет POS терминалдары арқылы жасалған төлемдерден асып түсті", – деп атап өтті сарапшылар.

Оқи отырыңыз: Күндіз көліктің жарығын жақпаған жүргізушілерге енді айыппұл салынбайды

Қолма-қол ақшасыз төлемдерді қабылдайтын кәсіпкерлер саны 40%-ға өсіп, 793,1 мыңға жетті. Атап айтқанда, мұндай сауда орындарының саны 20 пайызға дерлік артып, 932,1 мыңға жетті.