Қазақстанда жәрдемақы, зейнетақы мен айыппұл мөлшері қашан өсетіні белгілі болды

26 қыркүйек 2024, 13:35 Авторға хат жазу قازاقشا Qaz

Зейнетақы көлемі 8,5 процентке артпақ.

2025 жылдан бастап жәрдемақы, зейнетақы мен айыппұл мөлшері өседі, деп хабарлайды Еңбек және халықты әлеуметтік қорғау министрлігі.

Себебі 2025 жылғы 1 қаңтардан бастап айлық есептік көрсеткіш көлемі 3 900 теңге болады. Бүгінде айлық есептік көрсеткіш көлемі 3 600 теңге.

Айлық есептік көрсеткіштің өсетіні туралы үш жылға арналған республикалық бюджет туралы заң жобасында жазылған. Демек, айлық есептік көрсеткіш көтерілсе, жәрдемақы мен айыппұлдардың мөлшері де артады деген сөз.

Оқи отырыңыз: Қазақстан азаматтары 1 қаңтардан бастап қандай зейнетақы алады?

Мысалы мүгедектігі барлар мен асыраушысынан айырылғандарға және жұмыссыздарға төленетін ақы 6,5 пайызға көтеріледі. Ал зейнетақы көлемі 8,5 процентке артпақ.