Қазақстанда жеке тұрғын үй салу үшін жер беру талаптары өзгереді

Қазақстанда жеке тұрғын үй салу үшін жер беру талаптарына өзгеріс енгізу көзделген. Бұл туралы Жеке тұрғын үй құрылысы үшін жер учаскелеріне құқықтар беру қағидаларының жаңа мазмұнынан белгілі болды. Құжат Ашық НҚА порталында жария талқыға ұсынылды.

Өзгеріс жобасына сәйкес, "Қазақстан Республикасының азаматтарына жеке тұрғын үй құрылысы үшін жер учаскелерін арнаулы есепке қоймай, оларды беруге тыйым салынады".

Еске салайық, аталған құжатқа сәйкес, сумен және электрмен жабдықтау желілерімен қамтамасыз етілген алаңдарда жеке тұрғын үй құрылысы үшін жер учаскелерін беруге жол беріледі.

Орталықтандырылған сумен жабдықтау жоқ елді мекендерде мұндай жер учаскелерін беруге электрмен жабдықтау желілері болған кезде ғана рұқсат.

Жеке тұрғын үй құрылысы үшін жер учаскелерін сұраған кезде азаматтардың өтініштері арнайы есепке алынады және бөліп беруге арналған алаңдарды дайын болуына қарай не жеке тұрғын үй құрылысы үшін пайдаланылатын бос аумақтар болған кезде қанағаттандырылады.

Оқи отырыңыз: Тегін 10 сотық жер алуға енді eGov.kz арқылы өтініш беруге болады