Қазақстандық бірінші сынып оқушылары қыста қосымша бір апта демалады

29 қаңтар 2025, 10:22 Авторға хат жазу قازاقشا Qaz

Мектептерде 2025 жылғы 9 қаңтардан бастап 10 оқу аптасынан тұратын III тоқсан басталды.

Қазақстандық бірінші сынып оқушылары жеті күн қосымша қысқы демалыс алады, деп хабарлайды Білім министрлігі.

"Еліміздің мектептерінде 2025 жылғы 9 қаңтардан бастап 10 оқу аптасынан тұратын III тоқсан басталды. 1-сыныпта білім алушыларға 2025 жылғы 10-16 ақпан аралығында (күнтізбелік 7 күн) қосымша демалыс беріледі", – делінген хабарламада.

Оқи отырыңыз: Қазақстанда 217 жайлы және 200 тірек мектеп желісі құрылып жатыр

24 қаңтарда Қазақстанда жекеменшік мектептерде оқитын аз қамтылған отбасы балаларына әлеуметтік көмек 2025 жылдан бастап беріле басталатыны белгілі болды.

Оны жүзеге асыруға жергілікті бюджеттен 12 миллиард теңгеден астам қаржы бөлінген.