Қазақстандық блогерлер 53,3 млрд теңге кірісін жасырған – Мемлекеттік кірістер комитеті

Мемлекеттік кірістер комитеті әртүрлі дереккөздерден алынған мәліметтерді салық декларацияларының деректерімен салыстыру нәтижесінде 594 тұлғада 53,3 млрд теңгеге сәйкессіздіктер анықталды. 

Осыған байланысты, 13-14 ақпан күндері аралығында "кірістерді төмендету" бұзушылықтары бойынша камералдық бақылау хабарламалары жіберілді.

"Бұл хабарламаларды орындау үшін тұлғалардан не қосымша есептелген салықтарды төлей отырып, жаңартылған салық есептілігін тапсыруы, не хабарламаға келіспеушілігін дәлелдейтін түсіндірме ұсынуы талап етіледі. Хабарламаның орындалу мерзімі 30 жұмыс күнін құрайтынын ескеру керек", – делінген Мемлекеттік кірістер комитетінің хабарламасында. 

Айта кетейік, мемлекеттік кірістер органдары салық міндеттемелерін толық орындауды қамтамасыз ету үшін блогерлерді қосқанда, жеке тұлғаларға тұрақты салықтық бақылауды жүзеге асырып келеді. Бақылау шаралары кезінде олар уәкілетті мемлекеттік органдармен, ұйымдармен және өзге тұлғалармен тиімді ықпалдасып, ақпарат алмасуда. 

Оқи отырыңыз: Қазақстанға 2024 жылы 627 миллиард теңгеден асатын өтемақы қайтарылды