ҚМДБ түнгі клубтың жанында мас күйінде ұсталған бас имамды қызметінен босатты

25 шілде 2024, 14:17 Авторға хат жазу قازاقشا Qaz

Қостанай облысының бас имамы қамауға алынды.

Қазақстан мұсылмандары діни басқармасы Қостанай облысында бас имамның мас күйінде ұсталғанына қатысты мәлімдеме жасады.

Облыстың бас имамы Бахытбек Тәжімбет 23 шілде күні Бурабайда түнгі клубтың жанынан ұсталды.

Діни қызметкер рөлге мас күйінде отырған. Сол үшін аудандық соттың үкімімен 15 тәулікке қамауға алынды. Осы оқиғадан кейін мүфтият оны қызметінен босатты.

"Діни басқарманың қызмет жүйесінде заң нормаларын және дін қызметкері этикасын өрескел бұзатын жеке тұлғалардың діни салада жұмыс істеуіне моральдық тұрғыдан құқығы жоқ. ҚМДБ дін қызметкеріне тән емес әрекеті үшін Бахытбек Тәжімбетті Қостанай облысының бас имамы қызметінен босатты", – делінген хабарламада.

Оқи отырыңыз: Астананың бас имамы: Ұлттық жәдігерлерді харам деу – баянсыз бәтуа

Қазақстан мұсылмандары діни басқармасы болған оқиғаны үлкен өкінішпен қабылдап, еліміздегі мұсылман жамағатынан кешірім де сұрады.