Қостанай облысында 7,5 мыңға жуық адам эвакуацияланды

Облыс бойынша ТЖМ, ІІМ,ЖАО, ҰҚК ШҚ және басқа да ұйымдардың қызметкерлері қатарынан барлығы 2237 адам, 390 бірлік техника, 142 бірлік мотопомпалар, 29 бірлік жүзу құралдары және 3 бірлік әуе кемесі күштері мен құралдары жұмылдырылды, деп хабарлады Қостанай облысы әкімдігінің баспасөз қызметі. 

Су тасқыны кезеңінде шамамен 771 822 мың м³ су, тәулігіне – 13860 мың м³ су сорылды. 72,799 мыңнан астам қап салынған. Инертті материалдар төгілді: 7205 тонна.

7487 адам құтқарылды және эвакуацияланды, оның ішінде 11 мүмкіндігі шектеулі адам және 1239 бала. Уақытша орналастыру пункттерінде 943 адам, оның ішінде 322 бала бар.

Оқи отырыңыз: Олжас Бектенов: Ең басты міндет – тұрғындарымыздың қауіпсіздігін қамтамасыз ету

Еріген суды сору, қапшықтарды төсеу жұмыстары 9 өңірде жалғасуда (Жангелдин, Арқалық, Меңдіқара, Федоров, Денисов, Қарабалық, Қарасу, Қостанай, Әулиекөл, Б.Майлин, Қамысты аудандары, Арқалық, Қостанай және Рудный қалалары).

Су тасқынына қарсы іс-шараларға тәулік бойы дерлік көмек көрсететін, коммуналдық қызметтердің, мемлекеттік және құқық қорғау органдарының кезекші қызметкерлерін ыстық тамақпен және шаймен қамтамасыз ететін еріктілер, бей-жай қарамайтын азаматтар үлкен көмек көрсетеді.

Су тасқыны жағдайының мониторингі бойынша жұмыстар жалғасуда.

Жағдай бақылауда.