Қостанай облысында суға кеткен баланың денесі екі күннен бері табылмай жатыр

20 тамыз 2024, 10:23 Авторға хат жазу قازاقشا Qaz

Іздестіру жұмыстарына қайықтар мен дрондар да пайдаланылып жатыр.

Қостанай облысында ТЖД қызметкерлері Тобыл өзеніне батып кеткен баланың денесін екі тәуліктен бері таппай жатыр.

Қостанай облыстық ТЖД мәліметінше, 18 тамызда Козыревка елді мекенінде ер адам мен сегіз жасар бала Тобыл өзені бойындағы жардан өтіп бара жатқан. Кенеттен екеуі де өзенге құлайды. Ер адам судан өз бетімен шыққан, ал баланы су ағыны алып кеткен.

Оқи отырыңыз: Астанада мектеп оқушысы суға батып бара жатқан бес жасар баланы құтқарып қалды

ТЖД мәліметінше, іздестіру жұмыстарына құтқарушылар мен еріктілер тартылып, қайықтар мен дрондар да пайдаланылып жатыр.