Қостанай облысындағы диірменде төрт жұмысшы қаза болды: полиция тергеу жүргізіп жатыр

7 қазан 2024, 16:04 Авторға хат жазу قازاقشا Qaz

Қайғылы оқиға 6 қазанда болған.

Әлеуметтік желіде диірмен қызметкерлерінің қазасы туралы ақпарат тарады. Төрт адамның биіктіктен құлағаны хабарланды.

112 пультіне Қостанай облысының Рудный қаласында 5 метр тереңдіктегі бункерді тазалау жұмыстарын жүргізу кезінде төрт адам төмен түсіп, су бетіне шықпай жатқаны туралы хабарлама түсті.

Оқи отырыңыз: "Қазақмыс" компаниясының шахтасында екі адам қайтыс болды

"Оқиға орнына Төтенше жағдайлар қызметі, Полиция және жедел медициналық жәрдем қызметі келді. Құтқарушылар жұмысшылардың денелерін бункерден шығарды. Жедел жәрдем қызметкерлері қайтыс болғанын растады. Оқиғаның мән-жайы анықталып жатыр", – деп хабарлады Қостанай облысының Төтенше жағдайлар департаменті.

Бұл фактіні прокуратура растап, полиция тергеу жүргізіп жатқанын айтты.