Қуандық Бишімбаевтың түрмеден қашып кеткені рас па? ҚАЖК жауап берді

11 қараша 2024, 09:33 Авторға хат жазу قازاقشا Qaz

Қылмыстық-атқару жүйесі комитеті ақпаратты жоққа шығарды.

Қылмыстық-атқару жүйесі комитеті әлеуметтік желіде пайда болған ақпаратқа қатысты пікір білдірді. Онда бұрынғы ұлттық экономика министрі Қуандық Бишімбаев колонияда жоқ екені айтылған.

"Әлеуметтік желілерде сотталған Қуандық Бишімбаевтың қашып кеткені туралы жалған ақпарат тарап жатыр. Бұл сотталушы жазасын қатаң режимдегі мекемеде өтеп жатыр", – делінген хабарламада.

Оқи отырыңыз: Салтанат Нүкенованың ағасы Қуандық Бишімбаевтан қомақты қаражат өндіріп алды

Қылмыстық-атқару жүйесі комитеті Қазақстан азаматтарын жалған ақпарат таратпауға және тек ресми дереккөздерге назар аударуға шақырды.

"Осы жалған ақпаратты таратуға қатысты қылмыстық іс қозғалғанын және кінәлілер жауапқа тартылатынын хабарлаймыз", – деді ведомствоның баспасөз қызметі.

Еске салайық, экс-министр Қуандық Бишімбаев азаматтық некедегі әйелі Салтанат Нүкенованы өлтіргені үшін 24 жылға бас бостандығынан айырылды.