Құрбан айт – 2023: Астанада құрбандық шалатын орындар белгіленді

Астана қаласында қасиетті Құрбан айт күндері құрбандық шалынатын орындар белгіленді. Бұл  туралы елорда әкімдігінің баспасөз қызметі мәлімдеді.

Тұрғындар бекітілген орындарда таңғы 8.00-ден кешкі 18.00-ге дейін құрбандық шала алады.

Құрбандық шалатын орындар:

• "Ұлжан" әмбебап базары, "Сарыарқа" ауданы, Н. Тілендиев көшесі, 24 (бұрынғы "Саянұр" базары);
• "Жайлау" базары, "Байқоңыр" ауданы, Алаш тас жолы, С-313 көшесі ("Шарын" базарының арты); 
• "Шанхай" базары, "Байқоңыр" ауданы, Алаш тас жолы, 34/6 ("Көк базар" базарының арты);
• "Шопан ата" базары, "Байқоңыр" ауданы, (Рубиком және Әмір базарының ортасы);
• "Баракат" базары, "Байқоңыр" ауданы, А-369 көшесі, №10 ғимарат.

Құрбандыққа сойылған ет түгелдей әлеуметтік көмекке мұқтаж отбасыларға таратылады.

Айта кетейік, Астана мешіттерінде айт намазы 28 маусым сағат 06.00-де оқылады.