Құрбан айттың бірінші күні қанша және қандай мал сойылды?

29 маусым 2023, 16:02 Авторға хат жазу قازاقشا Qaz

ҚМДБ дерегі бойынша, 61 мыңға жуық отбасыға ет таратылған.

Қазақстан мұсылмандарының діни басқармасы құрбан айттың бірінші күні бойы 14 626 мал құрбандыққа шалынғанын жария етті. Олардың 1700-іне qurban2023.kz сайты арқылы тапсырыс берілген.

Діни басқарманың ресми мәліметінше, құрбандыққа 14 448 қой, 1498 ешкі, 2 266 ірі қара, 15 түйе шалынған. Республика бойынша 60 862 отбасы мен 738 мекемеге құрбандық еті таратылды.

ҚМДБ онлайн форматта құрбан шалуға qurban2023.kz сайты арқылы тапсырыс беру айттың үшінші күні, яғни 30 маусым сағат 13:00-ге дейін жалғасатынын еске салды.

Оқи отырыңыз: Жылқы мен құс неге құрбандыққа жарамайды? Құрбан шалушыға арналған 12 маңызды мәлімет