Құрбан айттың бірінші күнінде 20 мыңнан астам мал шалынды

Қазақстан мұсылмандары діни бірлестігі Құрбан айттың бірінші күнінің қорытындысын шығарды.

Мүфтияттың дерегі бойынша, 16 маусымда республика көлемінде жалпы саны 20 236 мал шалынса, 1 788 тапсырыс qurban2024.kz сайты арқылы берілген.

Шалынған мал саны:

• қой – 17 327;
• ешкі – 1 597;
• ірі қара – 1 307;
• түйе – 5.

Құрбандық еті ел бойынша 62 561 отбасыға, 136 мекемеге құрбандық еті таратылды.

"Қазақстан мұсылмандары діни басқармасының қоғам алдындағы негізгі қызметінің бірі – қайырымдылық шараларын ұйымдастыру. ҚМДБ көмекке мұқтаж жандарды қолдау мақсатында биыл да құрбан шалуды офлайн және www.qurban2024.kz сайты арқылы онлайн жүзеге асырып отыр", – делінген ҚМДБ хабарламасында.

Еске салайық, биыл құрбан айт 16-18 маусымға сәйкес келеді.

Оқи отырыңыз: Онлайн құрбан шалуға арналған сайт іске қосылды. Қой мен сиырдың бағасы қанша