Құрманбек Жұмағали Ұлттық киноны қолдау орталығының басқарма төрағасы болып тағайындалды

28 шілде 2023, 14:10 Авторға хат жазу قازاقشا Qaz

Бұған дейін бұл қызметті Есетжан Қосубаев атқарды.

"Ұлттық киноны қолдау мемлекеттік орталығы" КЕАҚ басқарма төрағасы Есетжан Қосубаев қызметінен босатылып, орнына Құрманбек Жұмағали тағайындалды, деп хабарлайды ҚР мәдениет және спорт министрлігінің баспасөз қызметі.

Фото: ҚР мәдениет және спорт министрлігінің баспасөз қызметі

Құрманбек Жұмағалидің масс-медиа және телеменеджмент саласында 10 жылға жуық тәжірибесі бар. Еңбек жолын "Қазақстан" телеарнасында редактор болып бастаған, "Хабар" агенттігінің жетекші редакторы, тілшісі.

2013-2018 жылдары Құрманбек Жұмағали Қарағанды облысы әкімдігінің баспасөз қызметінің басшысы және Маңғыстау облысы ішкі саясат басқармасының басшысы болған.

Оқи отырыңыз: Азамат Сатыбалды "Қазақфильм" АҚ президенті қызметіне тағайындалды

2018-2019 жылдары "Қазақ радиолары" ЖШС басқарды,"Қазақстан" РТРК" АҚ басқарма төрағасының бірінші орынбасары болды. Осы уақытқа дейін "31" медиахолдингінің бас директоры болып еңбек еткен.