Қызылорда облысында жол апатынан 8 адам көз жұмды

15 қаңтар 2022, 22:16 Авторға хат жазу قازاقشا Qaz

Қаза болғандар 26-47 жас аралығындағы азаматтар.

Қызылорда облысы Арал ауданы әкімдігінің баспасөз қызметінің хабарлауынша, бүгін "Самара-Шымкент" тас жолы бойында Арал ауданы, Аралқұм елді мекені тұсында Қазалы – Арал бағытындағы жеңіл автокөлік жол апатына ұшыраған.

Жол апатынан 8 адам қаза тапты, олардың екеуі Қазалы ауданының тұрғындары болса, қалған алты азамат Арал ауданының тұрғындары. Қаза болғандар – 26-47 жас аралығындағы азаматтар.

Арал ауданының әкімдігі ауа райының қолайсыздығы, жолдарды қар басып тайғақ болуына байланысты жолға шығарда абай болуға шақырады.

Оқи отырыңыз: 10 жол-көлік оқиғасының 9-ында жүргізушілер кінәлі. Зиян шеккендер саны 11% өсті