Ресейдегі теракт: Тоқаев Қазақстан мұны қатаң айыптайтынын айтты

Мәскеудегі "Крокус Сити холл" ғимаратында белгісіз біреулер атыс ұйымдастырды. Ресей Тергеу комитетінің Бас тергеу басқармасы Мәскеу облысындағы терактіге қатысты қылмыстық іс қозғады.

Қазірге дейін белгілі ақпарат бойынша, 40 адам қайтыс болып, жүздеген адам жарақат алған. 

Мемлекет басшысы Қасым-Жомарт Тоқаев Қазақстан Мәскеудегі бейбіт азаматтарға қарсы террористік актіні қатаң айыптайтынын хабарлады.  

Президент терроризмді мүлде ақтауға болмайды деп санайды. Ол БҰҰ-ға мүше мемлекеттерді жазықсыз азаматтарға қарсы зорлық-зомбылықтың бұл түріне бірауыздан қарсылық танытуға шақырды.

"Президенттің тапсырмасы бойынша, қажет болған жағдайда, Қазақстанның құқық қорғау органдары ресейлік әріптестеріне көмек көрсетеді. Сонымен қатар Қазақстан Президенті лаңкестік әрекет кезінде азаматтардың қаза табуына байланысты Ресей Президенті Владимир Путинге көңіл айтты", – делінген Ақорда хабарламасында.