Риддер жылу орталығында қазандық өшіп, тұрғындар тағы ыстық сусыз қалды

Жаз бойы ыстық сусыз отырған Риддер халқына осыдан бірнеше күн бұрын ғана ыстық су берілген, бірақ ыстық су кеше тағы өшірілді, деп хабарлайды "ҚазАқпарат" халықаралық ақпарат агенттігі.

Бұған себеп – жылу электр орталығындағы іске қосылған орташа қысымды қазандықтың қайтадан өшірілуі.

Ал оның не үшін өшірілгенін Риддердегі "Су арнасы" коммуналдық мемлекеттік кәсіпорын директоры Константин Хан түсіндіріп берді.

Оқи отырыңыз: Қонаев тұрғындары белгісіз мерзімге дейін  ыстық сусыз қалды.

"Электр станциялары мен желілерін техникалық пайдалану ережесіне сәйкес, күрделі жөндеуден өткен жабдықтар іске қосылғаннан кейін 48 сағат ішінде сынақтан өтеді. Осыдан кейін қазандықтың әрбір бөлшегін егжей-тегжейлі тексеру үшін жоспарлы түрде оны өшіру қажет. Сол себепті №3 жылу қазандығы уақытша өшірілген", – деп түсіндірді ол.