РОП операторының басқарушы директоры Руслан Шәмшиев өз-өзіне қол жұмсады

26 қаңтар 2022, 13:00 Авторға хат жазу قازاقشا Qaz

Руслан Шәмшиевтің өліміне қатысты полиция тергеу жұмыстарын жүргізіп жатыр.

"Оператор РОП" ЖШС басқарушы директоры Руслан Шәмшиев өз-өзіне қол жұмсаған. Мұны Нұр-Сұлтан полиция департаменті растады.

"Ер адам мәйітінің табылуына байланысты Есіл ауданының полиция бөлімі ҚР ҚК 105-бабы бойынша қылмыстық іс қозғады. Қазіргі таңда қажетті тергеу жұмыстары жүріп жатыр" деп хабарлады Нұр-Сұлтан полиция департаменті.

Руслан Шәмшиев 2021 жылы "Оператор РОП" ЖШС құқықтық мәселелер жөніндегі басқарушы директоры қызметіне тағайындалған. Бұған дейін ол "Азаматтарға арналған үкімет" мемлекеттік корпорациясында қызмет атқарды.

Оқи отырыңыз: Экология вице-министрі мен "Оператор РОП" ЖШС басқарма төрағасы ұсталды