Саясат Нұрбек 2 мыңға жуық студенттің гранттан не себепті бас тартқанын айтты

10 қыркүйек 2024, 17:13 Авторға хат жазу قازاقشا Qaz

Биыл жоғары ұпай алған біраз студент грантсыз қалған болатын.

Ғылым және жоғары білім министрі Саясат Нұрбек мыңдаған студенттің гранттан не себепті бас тартқанын айтты.

Министрдің айтуынша, осы уақытқа дейін 1 989 адам гранттан бас тартты.

"Гранттан бас тартудың түрлі себебі бар. Біреулер шетелге түседі, я болмаса, денсаулық себеп болып жатады. Сосын квота бойынша грантқа тек белгілі бір университетке түсуге болады, басқа университетке ауыса алмайды. Соны білгеннен кейін гранттан бас тартады", – деді Нұрбек үкіметте өткен брифингте.

Оқи отырыңыз: Мектепте сабақ 7.30-да, ЖОО-нда сағат 10-нан кейін басталады. Студенттер Бішкек билігінің шешіміне қарсы шықты

Оның айтуынша, босатылған гранттардың бәрі биыл 100 ұпайдан артық алған талапкерлердің арасында үлестіріледі.

Себебі су басқан аймақтардан келген талапкерлерге квота берілді. Осыдан кейін қосымша гранттар бөлінді.

Министрдің айтуынша, бүгінде жоғары ұпай алған 10 607 студенттің 7 779-ы өз грантын алды.