SCAT ұшағына найзағай тиді: 14 рейстің уақыты өзгерді

26 тамыз 2024, 18:15 Авторға хат жазу قازاقشا Qaz

Қауіпсіздік талаптарына сәйкес, мамандар ұшақты тексеріп, жөндеу жұмыстарын жүргізеді.

SCAT әуе компаниясының жолаушылар ұшағына найзағай тиді, деп хабарлады компанияның баспасөз қызметі.

Компанияның мәліметінше, демалыс күндері қатты найзағайдан Boeing 737 ұшағына зақым келген. Қазіргі кезде оны кестеден шығарған.

Қауіпсіздік талаптары бойынша, мамандар ұшақты тексеріп, жөндеу жұмыстарын жүргізеді.

Оқи отырыңыз: Салық төлемегені үшін SCAT әуе компаниясы аңшылық алқаптан айырылады

"Осыған байланысты әуе компаниясы осы аптада 14 рейстің уақытын өзгертуге мәжбүр. Жолаушыларды рейс уақытын алдын ала нақтылап, sms-хабарламалар арқылы тексеріп отыруды сұраймыз. Бұдан бөлек, scat.kz сайты мен қосымшасында рейстің мәртебесін біліп отыруға болады", – дейді компания мамандары.