Су тасқыны: Құлсарының 26 мыңнан астам тұрғыны Маңғыстау облысына көшірілді

17 сәуір 2024, 11:21 Авторға хат жазу قازاقشا Qaz

Олар уақытша орналастыру орталықтарында, сондай-ақ туыстары мен еріктілерінің қасында.

Атырау облысындағы су тасқыны жағдайына байланысты Құлсары қаласынан Маңғыстау облысының қалалары мен аудандарына 26 мыңнан астам адам эвакуацияланды. Бұл туралы Төтенше жағдайлар министрлігі хабарлады.

"Адамдар уақытша орналастыру пункттеріне, туыстары мен еріктілер үйлеріне орналастырылды", – деп жазылған хабарламада.

Үкіметтің тапсырмасымен Төтенше жағдайлар министрлігі Мемлекеттік материалдық резервтер комитеті материалдық құндылықтар қорынан эвакуацияланған халық үшін азық-түлік, төсек-орын жабдықтар және т. б. материалдық құндылықтарды броньдалып берілуде.

Оқи отырыңыз: Құлсары көлік жүргізушілері "Сергекке" түскені үшін айыппұл төлемейді