Тоқаевты Иордания королі салтанатты түрде қарсы алды

19 ақпан 2025, 17:12 Жазира Пірімқұл Авторға хат жазу قازاقشا Qaz

Әскери оркестр Қазақстан мен Иорданияның мемлекеттік әнұрандарын орындады.

Президент Қасым-Жомарт Тоқаев Әл-Хусейния сарайына келді. Қазақстан президентін Король II Абдалла бен әл-Хусейн мен Тақ мұрагері Әл-Хусейн қарсы алды, деп хабарлайды Ақорданың баспасөз қызметі.

Әл-Хусейния сарайында Иордан Хашимит Корольдігіне ресми сапармен келген Қазақстан президенті Қасым-Жомарт Тоқаевты салтанатты қарсы алу рәсімі өтті.

Оқи отырыңыз: Тоқаев Ұлытау облысында кеншілердің қаза болуына байланысты көңіл айтты

Мәртебелі мейманның құрметіне сарай алдындағы алаңда Құрмет қарауылы сап түзеп тұрды. Әскери оркестр Қазақстан мен Иорданияның мемлекеттік әнұрандарын орындады.

Құрмет қарауылы ротасы бастығының рапортынан кейін мемлекеттер басшылары келіссөз залына барды.