Түркістан облысында 13 елді мекен таратылады

Түркістан облысы әкімдігінің қаулысы мен облыстың мәслихаттың шешіміне сәйкес, Арыс қаласы мен Түлкібас, Сауран, Қазығұрт және Сарыағаш аудандарындағы бірқатар елді мекендерді тарату жоспарланып отыр. Бұл туралы Ашық НҚА порталынан белгілі болды.

Таратылатын елді мекендер:

• Арыс қаласы Ақдала ауылдық округінің Ақын-Жақып, Тоғайлы және Тақыркөл елді мекендері;
• Түлкібас ауданы Кемербастау ауылдық округінің РЗД-117 елді мекені және Келтемашат ауылдық округінің Ақсай елді мекені;
• Сауран ауданы Қарашық ауылдық округінің Қаратөбе елді мекені және Шорнақ ауылдық округінің 32-разъезд елді мекені;
• Қазығұрт ауданы Алтынтөбе ауылдық округінің Қырыққыз елді мекені;
• Сарыағаш ауданы Жібек жолы ауылдық округінің Сөк-Сөк елді мекені, Дарбаза ауылдық округінің 50-разъезд, Бесқұдық елді мекендері және Жылға ауылдық округінің 49-разъезд, Нұрауыл елді мекендері.

Құжат жобасын жария талқылау мерзімі – 3 қарашаға дейін. 

Еске салайық, биылғы жазда Түркістан облысындағы Бәйдібек ауданы Мыңбұлақ ауылдық округіне қарасты Нұра елді мекенін тарату жөнінде де шешім қабылданған болатын. 

Оқи отырыңыз: Түркістан облысында тағы бір ауыл таратылады