Түркістан облысында мектеп директорын бопсалаған блогерлер ұсталды

13 маусым 2024, 14:21 Авторға хат жазу قازاقشا Qaz

Блогерлер мектеп директорынан жарияланымын жою үшін 100 000 теңге талап еткен.

Сайрам ауданы прокуратурасының үйлестіруімен полиция қызметкерлері жүргізген жедел іс-шаралар нәтижесінде бопсалау арқылы ақша талап ету фактісі бойынша екі тұлға ұсталды, деп хабарлайды ҚР Бас прокуратурасының баспасөз қызметі.

"Атап айтқанда «А» және «Е» есімді белсенді блогерлер аудандағы бір мектеп директорынан Facebook әлеуметтік желісінде іскерлік беделдігіне нұқсан келтіретін жарияланымын жою үшін 100 000 теңге талап еткен", – делінген хабарламада.

Оқи отырыңыз: Оқырман саны 20 мыңнан асатын блогерлердің кірісі мен шығысы тексеріліп жатыр

Аталған факт бойынша ҚР Қылмыстық кодексінің 194-бабы 2-бөлігімен сотқа дейінгі тергеп-тексеру басталып, күдіктілер екі айға қамауға алынды.

Өзге ақпараттар ҚПК 201-бабының талаптарына сәйкес жария етуге жатпайды.