Түркістанда полицейлер 86 жастағы әжейге жаңа төлқұжат табыстады

Polisia.kz Түркістан полицейлерінің 86 жастағы әже Ханым Далбаеваның төлқұжатын жаңартып бергенін хабарлады.

Көші-қон полициясына Төлеби ауданы Алғабас ауылының тұрғыны хабарласып, 86 жастағы анасы Ханым Далбаеваның төлқұжатының жарамдылық мерзімі өткенін айтып, көмек сұраған. Хабар алысымен полицейлер халыққа қызмет көрсету  орталығының қызметкерлерімен дереу хабарласып, қарт әжейдің құжаттарын тез арада рәсімдеп берді. Төлебилік көші-қон полиция қызметкерлері кейуанамыздың үйіне барып, жаңа төлқұжатын табыс етті.

Қазіргі таңда 86-ға келген Ханым Далбаева үш ұл, жеті қыз өсіріп, одан 27 немере, сегіз шөбере сүйіп отыр.

Төлеби АПБ-ның полиция қызметкерлері құжаттандыру жұмыстарына көбірек көңіл бөледі. Осыған орай арнайы мобильді топ құрылып, аудан көлемінде қарт кісілер мен денсаулығы нашар азаматтардың құжаттануын  қадағалау мақсатында жиі тексеріс жүргізеді.

Оқи отырыңыз: 

• Төлқұжат пен жеке куәлікті бір күнде рәсімдеуге болады
• "Жоқ мемлекеттің азаматтары". Кеңестік құжатпен жүргендер Қазақстан азаматтығын қалай алады?