ТҮРКСОЙ жазушылар одағы құрылды, оған бірінші болып Қазақстан төрағалық етеді

6 наурыз 2023, 16:22 Авторға хат жазу قازاقشا Qaz

Әзербайжан, Қазақстан, Қырғызстан, Өзбекстан, Түркия және Түркменстан өкілдері ТҮРКСОЙ жазушылар одағын құру туралы құжатқа қол қойды.

ТҮРКСОЙ ұйымы түркі әлемі елдерінің жазушылар одағы ұйымдарын біріктірді. Бұл туралы халықаралық ұйымның Қазақстандағы өкілі Бақытжан Омар хабарлады.

Әзербайжан, Қазақстан, Қырғызстан, Өзбекстан, Түркия және Түркменстан өкілдері ТҮРКСОЙ жазушылар одағын құру туралы құжатқа қол қойды. Оған Қазақстан бірінші болып төрағалық етеді.

"Бауырлас мемлекеттердің жазушылар одағының басшылары бұл жауапты міндетті Ұлықбек Есдәулетке сеніп тапсырды. Ол бұл жұмысты қазіргі қызметімен қатар алып жүреді. Түркі дүниесінің жазушылары енді көптеген жобаларды бірге атқарады", – деп жазды Бақытжан Омар.

Оқи отырыңыз: "Оқуға тұрарлық ешкім жоқ емес, оқитын адам жоқ". Жазушы Бақытгүл Сәрмековамен сұхбат

Айта кетейік, ақын, мемлекеттік сыйлықтың иегері Ұлықбек Есдәулет қазір Қазақстан жазушылар одағының басқарма төрағасы қызметін атқарады.