Үлкен Алматы айналма жолының құрылысы аяқталды. Абаттандыру жұмысы жүріп жатыр

Үлкен Алматы айналма жолы 2023 жылдың екінші жартыжылдығында пайдалануға беріледі, деп хабарлады Kolesa.kz.

ИИДМ автомобиль жолдары комитетінің төрағасы Төлеген Абдулиннің айтуынша, құрылыс жұмыстары мерзімінен оза жүріп жатыр. Қазір жол бойын абаттандыру және жолақы төлемін қабылдау жүйелері орнатылуда.

Еске салайық, үлкен Алматы айналма автожолы 66 шақырымды құрайды. Ол Қырғауылды ауылынан басталып, Қызылқайрат ауылына дейін созылады. Алматы облысы бойынша Қарасай, Іле, Талғар аудандарындағы 14 елді мекенді қамтиды

Автожолдың басым бөлігі 6 жолақтан тұрғанымен, кей тұсы 4 жолақты болады. Трассада рұқсат етілетін жылдамдық – сағатына 110-140 шақырым. Жол қызметін пайдалану – ақылы. Алайда, әзірге тарифтері бекітілмеген. Алдын ала хабарланған бағасы келесідей:

• Жеңіл көліктер үшін – 200 теңге;
• Жүк көліктері үшін – 390 теңге.

Оқи отырыңыз: 

• "Айналма жолдың азабы": Алматы іргесінегі ауыл тұрғындары наразылық танытты
• Алматыда Тілендиев көшесі мен солтүстік айналма жолы Үлкен Алматы айналма жолына дейін ұзарады